الطالب لا يطرح أسئلة أثناء الشرح
مقالات
الطالب لا يطرح أسئلة أثناء الشرح
2025-10-31
129 المشاهدات
وهذا يعني يخلي الفصل شكله "هادئ" 
لكن في الحقيقة معناه إن في فجوة:
يا إما الطالب مش فاهم ومش عارف يصيغ سؤاله.
يا إما عنده خوف من السخرية أو الإحراج قدام زملائه.
يا إما هو مستسلم ومش متابع أساسًا.
#الحل والتغلب عليها:
1. #تطبيع السؤال: يبدأ المعلم بنفسه بطرح أسئلة بسيطة كأمثلة، ثم يقول: "من عنده سؤال مشابه أو مختلف؟". كده الطالب هيشعر إن السؤال جزء طبيعي من الحصة.
2. #صندوق الأسئلة: وضع صندوق أو ورق مجهول يكتب فيه الطلاب أسئلتهم بدون ذكر الاسم، ويجاوب عليها المعلم لاحقًا.
3. التعلم #العكسي: بدلاً من شرح مباشر، يُكلف الطلاب بقراءة فقرة قصيرة مسبقًا، ويبدأ الدرس بجملة: "ما الذي لم تفهموه في هذا الجزء؟". كده الطالب يضطر يطرح سؤال.
4. تشجيع #الأسئلة الصغيرة: أحيانًا الطالب بيحس إن سؤاله "تافه"، لذلك لازم المعلم يقول جملة محفزة مثل: "السؤال البسيط هو بداية الفهم العميق".
5. #مكافأة غير مباشرة: المعلم ممكن يمدح الطالب اللي طرح سؤال جيد ويبين أثره في توضيح الفكرة لبقية الزملاء، وده يرفع دافعية الآخرين.
#النتيجة: الفصل ما يبقاش مجرد استماع صامت، لكن يتحول إلى مساحة حوار وتفاعل، والطلاب يثقوا إن أسئلتهم قيمة زي الإجابات تمامًا.
اضافة تعليق
التعليقات